15.11.2024 | 15:24
YouTube-ը կրկին աշխատում է Ռուսաստանում
Տեսնում եմ չինովնիկական ամբիցիայի դրսևորում. Վահան Արծրունի. ՏԵՍԱՆՅՈՒԹ
Մշակույթ
07.02.2019 | 14:34
Երգիչ, երաժիշտ Վահան Արծրունին զարմացած է հանգամանքից, որ Ազգային կինոկենտրոնը դադարեցրել է Հովհաննես Գալստյանի «Տատիկիս վարսերը» ֆիլմի ֆինանսավորումը։ Պարոն Արծրունին, որ այսօր Ազգային ժողովի այգի էր եկել՝ աջակցություն հայտնելու հացադուլ անցկացնող Հովհաննես Գալստյանին, Factor.am-ի հետ զրույցում ասում է՝ սա իր համար արվեստագետ-պետություն կոնֆլիկտի դրսևորում է:
«Պետության ներկայացուցիչը՝ Նազենի Ղարիբյանը, դեկլարատիվ հնչեցրեց մի ֆորմուլա, որ ով ուզում է նա լինի, ինչ մեծություն ուզում է լինի, նա արվեստագետ է, ինքը պետք է հասկանա, որ նա ստորադասված է, այսինքն՝ վերադաս ունի, ես չգիտեմ՝ սա ո՞ր միապետական թումբից դուրս եկած կերպար է և էս ի՞նչ պնդում է, անընդունելի է նման վերաբերմունքը։ Այս ամբողջ 30 տարիների ընթացքում Մշակույթի նախարարությանը հատուկ էր մերժողականությունը՝ մշակութային դաշտը բաժանել յուրայինների և ոչ յուրայինների, էս մենթալիտետը որդեգրված է և սա զարմանալի է և անընդունելի, որովհետև մենք նոր իրականության մեջ ենք։ Ասում ենք իրավիճակ է փոխվել, բայց մերժողականությունը և արվեստագետին ստորադասելու ավանդությունը մնացել է կենդանի»,- ասաց Վահան Արծրունին։
Երաժիշտն ասում է՝ իր կարծիքով Հովհաննես Գալստյանի նկատմամբ կա չինովնիկական ամբիցիայի դրսևորում։
Ռոբերտ Անանյան
