18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մեր ԱԱԾ կադրերը պետք է սովորեն ոչ միայն Ռուսաստանում. Էդմոն Մարուքյան. ՏԵՍԱՆՅՈՒԹ
Քաղաքականություն
06.02.2019 | 17:10
Ազգային ժողովի «Լուսավոր Հայաստան» խմբակցության ղեկավար էդմոն Մարուքյանի համոզմամբ՝ ողջունելի է, որ Ազգային անվտանգության ծառայությունը բաց մրցույթ է հայտարարել կադրերի վերապատրաստման համար, ինչը պետք է տեղի ունենա ՌԴ-ում, իսկ այն, որ մեր ԱԱԾ-ն համագործակցում է ՌԴ-ում համապատասխան գերատեսչության և համապատասխան բուհերի հետ, դա բխում է երկու երկրների միջև ստորագրված համաձայնագրի դրույթներից։
«Ես կարծում եմ, որ Հայաստանը բազմավեկտոր քաղաքականություն պետք է վարի այս առումով և մեր անվտանգության ծառայողները պետք է վերապատրաստվեն այլ երկրներում։ Օրինակ՝ Պաշտպանության նախարարության սպաները կարող են սովորել և՛ ՌԴ-ում, և՛ ԱՄՆ-ում, և՛ այլ երկրներում, իսկ ԱԱԾ-ի մասով, որքան գիտեմ, միայն ՌԴ-ում են սովորում։ Ճիշտ կլիներ, որ ՊՆ-ի փորձը վերցնեն և մեր անվտանգության աշխատակիցները իրենց գիտելիքները չստանան միայն մի երկրից ու նրա ունեցած փորձից»,- ասաց պատգամավորը։
Հարցին՝ իսկ դա արդոք վտանգ չի պարունակի, Էդմոն Մարուքյանն ասաց, որ այդ վտանգները բխում են մարդու տեսակից:
«Եթե մարդն իր պետական շահը կստորադասի կամ կտա այլ երկրի, նա պետական դավաճան է և կապ չունի, թե որ երկրում է սովորել։ Գուցե խնդիրն այն է, որ, հավանաբար, կա սովորույթ եկած ԽՍՀՄ-ից»,- ասաց Մարուքյանը։
Մանրամասները՝ տեսանյութում։
Աղավնի Սուքիասյան
