24.07.2026 | 10:53
Ռոսսելխոզնադզորը հուլիսի 27-ից կսահմանափակի Հայաստանից կաթնամթերքի ներմուծումը
«Ակնհայտ ստում եք». Վալերի Օսիպյան. ՏԵՍԱՆՅՈՒԹ
Հասարակություն
06.02.2019 | 13:17
Երևանի ընդհանուր իրավասության դատարանի Շենգավիթի նստավայրում այսօր տեղի ունեցավ «Սասնա ծռերի» գործով դատական նիստը։ Նիստին ներկա էր ՀՀ ոստիկանապետ Վալերի Օսպիյանը, որն այս գործով տուժող է։ Դատական նիստի ընթացքում նա ցուցմունք տվեց։
Հարցուպատասխանի փուլում Պավել Մանուկյանը ոստիկանապետին հարցրեց, թե արդյոք ՊՊԾ գնդի տարածքում իրեն պատանդի կարգավիճակում է զգացել։
Օսիպյանը Մանուկյանի հարցին դրական պատասխան տվեց, այդուհանդերձ ավելացրեց․ «Ես կյանքում ինձ պատանդ չեմ զգացել, միայն էդ մի պահն ա եղել»։
Արմեն Բիլյանի հարցին, թե արդյոք ոստիկանապետի հեռախոսից կատարված և ստացված զանգերի ձայնագրությունները գոյություն ունեն, քանի որ այդ օրերին նա կապի միակ միջոցն էր, Վալերի Օսիպյանը պատասխանեց․ «Չեմ կարող ասել։ Ես չեմ էլ փորձել հետաքրքրվել»։
Ոստիկանապետին ուղղված վերջին հարցը Սմբատ Բարսեղյանի կողմից էր։ Վերջինս փորձեց պարզել՝ ինչու է Օսիպյանը ՊՊԾ գնդի տարածքում ասել, որ իրենց բոլորին սիրում և հարգում է, եթե իր նկատմամբ ոչ դրական վերաբերմունք է ցուցաբերվել։
«Ո՞մ եմ ասել։ Սուտ եք ասում։ Ակնհայտ ստում եք»,- նշեց Վալերի Օսիպյանը։
Մանրամասները՝ տեսանյութում:
Նելլի Մելքոնյան
