03.04.2026 | 15:03
Թրմամիջոցներ տեղադրող երիտասարդը փախուստի դիմելիս ընկել է ջրատարը. ոստիկանները մախ փրկել են նրան, ապա ձերբակալել
«Իջևան» ԲԿ ՓԲԸ-ի նախկին տնօրենը պահանջել և ստացել է 3 հազար ԱՄՆ դոլար․ հարուցվել է քրգործ
Հասարակություն
05.02.2019 | 16:55
ՀՀ Քննչական կոմիտեի Տավուշի մարզային քննչական վարչությունում 2019 թվականի հունվարի 16-ին վարույթ է ընդունվել 2019 թվականի հունվարի 8-ին ՀՀ ոստիկանության Իջևանի բաժնում ՀՀ քրեական օրենսգրքի 178-րդ հոդվածի 2-րդ մասի 1.1 և 2-րդ մասի հատկանիշներով հարուցված քրեական գործը:
Factor.am-ին Քննչական կոմիտեի լրատվական ծառայության պետ Նաիրա Հարությունյանը հայտնեց, որ նախնական տվյալներով՝ Իջևան քաղաքի բնակիչը Ոստիկանության Իջևանի բաժնում հաղորդում է ներկայացրել, որ «Իջևան» ԲԿ ՓԲԸ-ի նախկին տնօրենը, 2015 թվականի ամռանը իրեն հիշյալ ԲԿ-ում աշխատանքի տեղավորելու համար պահանջել և ստացել է 3 հազար ԱՄՆ դոլար, սակայն չկատարելով խոստումը հափշտակել է գումարը:
Հարությունյանը հայտնեց, որ հունվարի 8-ին ոստիկանությունն այդ հաղորդումը նախապատրաստած նյութերով ներկայացրել է ՀՀ Քննչական կոմիտե։
«Հարուցվել է քրեական գործ ՀՀ քրեական օրենսգրքի 178-րդ հոդվածի 2-րդ մասի 1.1 և 2-րդ մասի հատկանիշներով՝ «խոշոր չափերով խարդախություն, որը կատարվել է պաշտոնեական դիրքն օգտագործելով։ Կատարվում է նախաքննություն»։
