Մինսկում անցկացվելիք Եվրոպայի ամառային խաղերին կմասնակցեն նաև հայ մարզիկները

ՀԱՕԿ լրատվական բաժնից  տեղեկացնում են, որ Բելառուսի մայրաքաղաքում հունիսի 21-ից 30-ը անցկացվող Եվրոպայի ամառային մարզական երկրորդ խաղերի ծրագրում ընդգրկված մրցումները տեղի կունենան 13 մարզահամալիրներում:  Կազմկոմիտեն հայտարարել է ,որ  արդեն լիովին պատրաստ են բոլոր մարզակառույցները: Բացման և փակման հանդիսավոր արարողությունները կկայանան  վերակառուցված «Դինամո» ստադիոնում: Այնտեղ իրենց հարաբերությունները կորոշեն  սպորտի թագուհու ` աթլետիկայի մրցումների մասնակիցները:  «Մինսկ-արենայում» մեդալները կխաղարկեն  սպորտային մարմնամարզիկները և հրապարակային հեծանվավազքի մասնակիցները, «Չիժովկա» համալիրում ` ձյուդոիստներն ու կարատիստները, սպորտի պալատում ` ըմբիշներն ու սամբիստները:

Կազմակերպվելու է նաև  «Ֆան» մարզասերների չորս գոտի: Դա արված է մարզիկներին ոգևորելու, հյուրերին բարեկամաբար դիմավորելու, վերաբերվելու համար:

Եվրոպական 50 երկրի 4 հազար մարզիկ – մարզուհի կպայքարի մեդալների 199 հավաքածուի համար, իսկ խաղերի ծրագրում ընդգրկված 15 մարզաձևից  10 –ում  / նետաձգություն, բադմինթոն, բռնցքամարտ, հեծանվային սպորտ, աթլետիկա, թիավարություն, ձյուդո, կարատե, սեղանի թենիս, հրաձգություն / կվիճարկվի  Տոկիոյի օլիմպիական խաղերի ուղեգիր:

Բադմինթոնի, բռնցքամարտի, ձյուդոյի,թիավարության և կանոէի մրցումները կանցկացվեն Եվրոպայի առաջնության  շրջանակներում:

Բելառուսական ստուգատեսի վարկանիշային մրցաշարերը կշարունակվեն մինչև  2019թ. ապրիլի 14-ը: Ուղեգրերի համար պայքարում են նաև  մեր երկրի մարզիկները