09.08.2026 | 11:33
Ահազանգ է ստացվել, որ Սևանա լճի լողափերից մեկում քաղաքացիները հեծանիվ-նավակով հեռացել են ափից և չեն կարողանում վերադառնալ․ ՆԳՆ
Հյուսիսային Կորեան հայտարարել է, որ ցանկացած պահի կարող է հարված հասցնել Գուամում ԱՄՆ ռազմաբազային
Քաղաքականություն
09.08.2017 | 10:36
Հյուսիսային Կորեայի ազգային բանակ ուսումնասիրում է ցանկացած պահի միջին և մեծ շառավիղով «Հվասոն -12» հրթիռներով Գուամ կղզում ԱՄՆի ռազմաբազաներին հարվածելու վերաբերյալ ծրագիրը: «Կիրականացվի ցանկացած պահի, երբ հրաման արձակի գերագույն գլխավոր հարմանատար Կիմ Չեն Ընը»,- ասավծ է Հյուսիսային Կորեայի ազգային բանակի ստրատեգիական ուժերի խոսնակի հայտարարության մեջ. փոխանցում է ria.ru-ն:
«Ներկայում ռազմավարական ուժերը մանրազնին ուսումնասիրում են Գուամ կղզում հիմնական ամերիկյան ռազմաբազաները զսպելու նպատակով գործողության միջին և մեծ շառավիղով «Հվասոն -12» հրթիռներով հարվածելու վերաբերյալ օպերատիվ ծրագիրը՝ այդ թվում նաև ԱՄՆ ռազմական օդուժի «Անդերսոն» բազային, որտեղ գտնվում են «Հյուսիսային Կորեայի՝ նյարդերի վրա ազդող» ռազմավարական ռմբակոծիչները»,- ասվում է հայտարարությունում:
Հայտարարության համաձայն՝ ուսումնասիրվող ծրագիրը շուտով կներկայացվի երկրի ղեկավար Կիմ Չեն Ընին, իսկ հետո այն կարող է ցանկացած պահի «պրակտիկորեն կիրառվել, եթե Հյուսիսային Կորեայի միջուկային ուժերի գերագույն գլխավոր հրամանատար Կիմ Չենը Ընը որոշում կայացնի»:
Նշվում է, որ երեքշաբթի առավոտյան ԱՄՆ ռազմավարական կործանիչներն «իրական պատերազմի» մանևրներ են իրականացրել Հարավային Կորեայի օդային տարածքում:
