16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Իսրայելը մասնակիորեն արգելել է Թուրքիայի քաղաքացիների մուտքը Երուսաղեմ
Քաղաքականություն
04.02.2019 | 21:01
Թուրքական մամուլում տեղեկություններ են շրջանառվում այն մասին, որ Իսրայելը որոշակի արգելքներ է սահմանել Երուսաղեմ մուտք գործել ցանկացող Թուրքիայի քաղաքացիների համար. տեղեկացնում է ermenihaber-ը:
Ըստ այդմ՝ մինչև 18 տարեկան Թուրքիայի քաղաքացիները իրավունք չունեն առանց ծնողների մտնել Երուսաղեմ։ Իսկ չափահաս քաղաքացիների համար Երուսաղեմ մուտքը սահմանափակվել է: Նրանք իրավունք ունեն տարին միայն մեկ անգամ այցելել քաղաք։
Ամփոփելով 2018-ին Երուսաղեմում տեղի ունեցած իրադարձությունները` թուրքական մամուլը հիշեցրել է, որ մահմեդականության երրորդ սրբավայրը համարվող Ալ-Ակսա մզկիթում արգելվել է նաև թուրքական դրոշ ծածանելը։
Ըստ թուրք մեկնաբանների՝ այս ամենն արվում է Երուսաղեմի լիակատար հրեականացման քաղաքականության համատեքստում, որպեսզի ոչ ոք հրեաներից բացի այստեղ իրեն տիրոջ կարգավիճակում չզգա։
