20.05.2026 | 11:55
Նարեկ Կարապետյանը շարունակում է լինել պատգամավորի թեկնածու. ԿԸՀ
Ջրհեղեղի պատճառով Ավստրալիայում հազարավոր մարդկանց են տարհանում
Քաղաքականություն
04.02.2019 | 14:52
Ավստրալիայի հյուսիս-արևելյան Քվինսլենդ նահանգում ջրհեղեղի պատճառով ավելի քան հազար մարդ է տարհանվել: Այս մասին գրում է ՌԻԱ Նովոստին՝ վկայակոչելով ABC հեռուստաալիքը:
Նահանգի արտակարգ իրավիճակների հաղթահարման ծառայության ներկայացուցիչ Կատարինա Քերոլը հաղորդել է, որ 24 ժամվա ընթացքում տեղական իշխանությունները փրկարարական 18 գործողություն են իրականացրել, շուրջ 1.100 մարդու տարհանել:
Ջրհեղեղի հետևանքով մի քանի հազար տուն է հեղեղվել, մեքենաներ են վնասվել: Վնասի հասցրած չափը դեռևս չի պարզվել:
Թաունսվիլում բոլոր դպրոցները փակ են: Կիրակիից չի գործում նաև քաղաքի օդանավակայանը:
Փետրվարի 3-ին Ավստրալիայի տարածքում տեղումները թուլացել են, սակայն օդերևութաբանները փետրվարի 4-ին դարձյալ հորդառատ անձրևներ են կանխատեսում:
