16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Պենտագոնը ևս 3.750 զինծառայողի կուղարկի Մեքսիկայի հետ սահման
Քաղաքականություն
04.02.2019 | 14:25
ԱՄՆ Պենտագոնը ևս 3.750 զինծառայողի կուղարկի Մեքսիկայի հետ սահման: Նրանք ԱՄՆ-ի հարավ-արևմտյան սահմանին 3 ամիս կանցկացնեն՝ օժանդակելու սահմանապահներին: Այս մասին գրում է ՌԲԿ-ն՝ վկայակոչելով Reuters-ը:
Այսպիսով, պաշտպանական գերատեսչության տվյալներով, ԱՄՆ-Մեքսիկա սահմանի այդ հատվածում զինծառայողների ընդհանուր թիվը կհասնի 4350-ի:
Մեքսիկայի հետ սահմանին զինծառայողների տեղակայելու մտադրության մասին դեռևս 2018 թվականի հոկտեմբերին հայտարարել էր ԱՄՆ նախագահ Դոնալդ Թրամփը:
Նոյեմբերին էլ Թրամփը հայտնեց, որ Մեքսիկայի հետ սահմանը մասնակի փակելու հրաման է ստորագրել, ինչպես նաև զինծառայողներին թույլատրվել է կրակ բացել ապօրինաբար սահմանը հատելու փորձ կատարող միգրանտների ուղղությամբ:
Այս միջոցառումները ձեռնարկվեցին լուրերից հետո, որ Հոնդուրասից Մեքսիկայի տարածքով ԱՄՆ սահմանին «միգրանտների քարավան» է մոտենում: Նոյեմբերի վերջին մի խումբ փախստականներ փորձեցին ներխուժել ԱՄՆ տարածք, սակայն սահմանապահները կանխեցին փորձը՝ ռետինե փամփուշտներ և արցունքաբեր կիրառելով սահմանախախտների նկատմամբ:
