16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Լիբանանի նորակազմ կառավարությունում 2 հայ նախարար կա
01.02.2019 | 19:56
Լիբանանի կառավարությունը ձևավորվել և հաստատվել է: Նոր գործադիրի կազմում 2 հայ անդամ կա՝ զբոսաշրջության նախարար Ավետիս Կիտանյանը և Սոցիալական հարցերի նախարար Ռիշար Գույումջյանը: Այս մասին տեղեկանում ենք Լիբանանի հայկական «Ազդակ» օրաթերթից:
Վարչապետ Սաադ Հարիրիին, փաստորեն, վերջապես հաջողվել է կառավարություն կազմել: Ազգային միասնականության կառավարությունում 30 անդամ է ներառված:
Նշենք, որ գործադիրի կազմի շուրջ բանակցություններն ու խորհրդակցությունները շուրջ 9 ամիս են տևել: Արդյունքում վարչապետ Հարիրիին հաջողվել է քաղաքական գրեթե բոլոր ուժերի օգնությամբ նոր կառավարություն ձևավորել:
Սաադ Հարիրին իր գլխավորած կառավարության կազմն արդեն ներկայացրել է Լիբանանի նախագահ Միշել Աունին:
