16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ռոբերտ Քոչարյանի ընտանիքին պատկանող բիզնեսների հետ կապված քրգործ է հարուցվել, առաջիկայում ԱԱԾ-ն հաղորդագրություն կտարածի
Քաղաքականություն
01.02.2019 | 15:16
Հանրապետության 2-րդ նախագահ Ռոբերտ Քոչարյանի ընտանիքին պատկանող բիզնեսների հետ կապված քրեական գործ է հարուցվել, իրականացվում է քննություն և արդյունքների մասին առաջիկայում ԱԱԾ քննչական դեպարտամենտի կողմից կլինի հաղորդագրություն։
Այս մասին այսօր լրագրողների հետ զրույցում ասել է ԱԱԾ տնօրեն Արթուր Վանեցյանը՝ անդրադառնալով Ռոբերտ Քոչարյանի ընտանիքի անվան հետ կապված իր՝ ավելի վաղ արած հայտարարությանը։
Հիշեցնենք, որ Արթուր Վանեցյանը հայտարարել էր, թե «Կոնգրես» հյուրանոցը գնվել է ապօրինի ձեռք բերված գումարներով, հարուցվել է քրեական գործ՝ փողերի լվացման հատկանիշներով։
«Պարոն Սեդրակ Քոչարյանը հրավիրվել է Ազգային անվտանգության ծառայության քննչական դեպարտամենտ, հարցաքննվել է որպես վկա։ Գործով իրականացվել են անհրաժեշտ միջոցառումներ, և առաջիկայում այդ գործով կտրվի հստակ տեղեկություն», – ասել էր Վանեցյանը՝ նշելով, որ Սեդրակ Քոչարյանը այս քրեական գործով անցնում է որպես վկա։
Աղավնի Սուքիասյան
