05.04.2026 | 19:49
Հույս ունեմ, որ այս գիշեր «Բուշեր» օդանավակայանից տարհանված աշխատակիցները կհասնեն Հայաստան․ «Ռոսատոմ»-ի ղեկավար
Չավուշօղլուն պնդել է, որ Սիրիայի քրդական ուժերը փորձում են բանակցել Ռուսաստանի հետ
Քաղաքականություն
31.01.2019 | 15:56
Թուրքիայի արտգործնախարար Մևլութ Չավուշօղլուն հայտարարել է, որ Սիրիայում տեղի ունեցած վերջին զարգացումներից հետո տեղի քրդական ուժերը (YPG) այժմ նոր դաշնակիցներ են փնտրում։ Ըստ Չավուշօղլուի՝ այդ ամենը պայմանավորված է այն հանգամանքով, որ Սիրիայի քրդական ուժերն այժմ դժվարին կացության մեջ են. փոխանցում է ermenihaber-ը:
Ընդգծելով, որ քրդերը այժմ փորձում են կապեր հաստատել Ռուսաստանի հետ՝ Չավուշօղլուն մասնավորապես ասել է.
«YPG-ն, կանխատեսելով, որ ԱՄՆ-ն վաղ թե ուշ դուրս է գալու Սիրիայից, սկսեց նոր դաշնակիցներ փնտրել։ Հիմա նրանք փորձում են Ռուսաստանի հետ բանակցություններ սկսել։ Պուտինը նախորդ օրն ասաց, որ Մոսկվան կարևորություն է տալիս է Սիրիայի կառավարության և քրդերի միջև բանակցություններին: Բայց քրդեր ասելով նա ո՞ւմ նկատի ուներ, YPG-ի՞ն, թե՞ քրդերին։ Նախկինում ռուսների և YPG-ի հարաբերությունները լավ էին, սակայն երբ մենք ռուսներին այդ մասին ակնարկեցինք, նրանք մեզ ասացին, որ ավելի լավ է այդպես լինի, քան թե քրդական ուժերն ընկնեն ԱՄՆ-ի ազդեցության տակ։ Եվ ռուսները հետագայում հասկացան, որ YPG-ն ընդամենը իր խաղն է խաղում և փորձում է բոլորին շահագործել»։
Խոսելով Սիրիայի հյուսիսում ստեղծվելիք անվտանգության գոտու մասին՝ Չավուշօղլուն հայտարարել է, որ այդ հարցում Մոսկվան և Անկարան չունեն որևէ տարաձայնություն:
