25.07.2026 | 18:58
Հնդկաստանի կրթության նախարարը հրաժարական է տվել բազմահազարանոց ուսանողական բողոքի ցույցերից հետո
Մարդու իրավունքները ՀՀ-ում շարունակվում են ոտնահարվել, դրա հետ կապված արդեն ունենք դատական ակտ ՄԻԵԴ-ից․ Զ․ Փոստանջյան․ ՏԵՍԱՆՅՈՒԹ
Քաղաքականություն
31.01.2019 | 14:10
«Երկիր Ծիրանի» կուսակցության ղեկավար Զարուհի Փոստանջյանը «Հայնյուզ» լրատվական կայքի պատասխանատու, «Հայոց Արծիվներ» կուսակցության փոխնախագահ Մհեր Եղիազարյանի մահը համարում է աննախադեպ երևույթ, ինչը գալիս է ապացուցելու, որը Հայաստանը շարունակում է մնալ որպես ավտորիտար բռնապետություն։
«Խիստ քննադատողաբար եմ վերաբերվում այս հարցին, սա աննախադեպ և արտառոց երևույթ էր։ Դժբախտություն է, որ մենք ունենք մահ քրեակատարողական հիմնարկում այն ժամանակ, երբ մարդն ասել է, որ ինքն իր քաղաքական հայացքների համար է հետապնդվում, ինքն անմեղ է, հայտարարում է հացադուլ, որի հետևանքով մահանում է։ Սա խոսում է այն մասին, որ ՀՀ-ն շարունակում է մնալ ավտորիտար բռնապետություն։ Այս ուղղությամբ հայկական իշխանությունները դրսևորել են ապօրինություններ և հանցավոր անգործություն»,- այսօր հրավիրված մամուլի ասուլիսի ժամանակ, անդրադառնալով հացադուլ հայտարարած Մհեր Եղիազարյանի մահվանը, ասաց Զարուհի Փոստանջյանը՝ շեշտելով, որ ՀՀ-ում շարունակվում են ոտնահարվել մարդու իրավունքները։
Ըստ Փոստանջյանի՝ այդ մասին մենք արդեն ունենք դատական ակտ ՄԻԵԴ-ի կողմից՝ կապված Սամվել Մայրապետյանին բժշկական օգնություն ցուցաբերելու խոչընդոտների հետ։
«Մարդու նկատմամբ կտտանքների և վատ վերաբերմունքի արգելումը բացարձակ իրավունք է, որը սահմանված է Մարդու իրավունքների եվրոպական կոնվեցիայի 3-րդ հոդվածով, որը ոչ մի պարագայում չի կարող սահմանափակվել»,- ասաց «Երկիր Ծիրանի» կուսակցության ղեկավարը։
Մանրամասները՝ տեսանյութում։
Աղավնի Սուքիասյան
