16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Լիտվան տպավորված է Հայաստանում տեղի ունեցող ժողովրդավարական գործընթացներից և պատրաստ է մի շարք ոլորտներում աջակցություն ցուցաբերել
Քաղաքականություն
31.01.2019 | 12:25
Հունվարի 30-ին Լիտվայում ՀՀ դեսպան Տիգրան Մկրտչյանը դեսպանությունում ընդունեց Լիտվայի ԱԳՆ Արևելյան գործընկերության հարցերով հատուկ հանձնարարականներով դեսպան Սիմոնաս Շատունասին. տեղեկացնում է ՀՀ ԱԳՆ լրատվական վարչությունը:
Հանդիպման սկզբում դեսպան Շատունասը նշեց, որ առաջիկայում ԱլԳ դեսպանների խմբի այցի շրջանակներում նախատեսում է այցելել Հայաստան և հավելեց, որ այցը ցանկանում է օգտագործել նաև Հայաստան-Լիտվա երկկողմ կապերի խորացման և Լիտվայի կողմից Հայաստանին տրամադրվելիք հնարավոր աջակցության ոլորտները նախանշելու համար։
Սիմոնաս Շատունասը նշեց, որ Լիտվան տպավորված է Հայաստանում տեղի ունեցող ժողովրդավարական գործընթացներից և պատրաստ է մի շարք ոլորտներում՝ այդ թվում արդարադատության, կրթության, վերականգնվող էներգիայի, միջին մասնագիտական վերապատրաստման ոլորտներում աջակցություն ցուցաբերելու։
Դեսպան Մկրտչյանն իր հերթին ներկայացրեց ՀՀ-ԵՄ Համապարփակ և ընդլայնված գործընկերության համաձայնագրի՝ ԵՄ անդամ պետությունների կողմից վավերացման և դրա մի շարք դրույթների կիրարկման ընթացքը։ Դեսպանը նաև նշեց, որ Լիտվան իր լավագույն փորձով կարող է կիսվել քաղաքականության, կառավարման մեջ կանանց ներգրավվածության, ՀՀ պետական կառավաման և տնտեսության թվայնացման, ինչպես նաև թվային տեխնոլոգիաները գյուղատնտեսության մեջ օգտագործելու հարցերում։
