08.08.2026 | 14:24
Ինչ արդյունքներ ունեն հայ շախմատիստները Եվրոպայի Մ20 առաջնությունում երկու խաղափուլից հետո
«Պարտեզ» ռեստորանային համալիրի մոտ տեղի ունեցած զինված միջադեպի գործով ձերբակալվել է ևս 4 անձ. ՔԿ
Հասարակություն
31.01.2019 | 12:04
Աբովյան քաղաքում գործող «Պարտեզ» ռեստորանային համալիրի մոտ տեղի ունեցած զինված միջադեպի առթիվ հարուցված քրգործի շրջանակներում ձերբակալվել է ևս 4 անձ: Այս մասին հայտնում են ՀՀ քննչական կոմիտեի մամուլի ծառայությունից:
Քրեական գործով ակտիվ քննչական ակտիվ քննչական գործողությունները շարունակվում են` պարզելու զինված միջադեպ բոլոր հանգամանքները, մասնավորապես` մասնակիցների շրջանակը, և անհատականացնելու նրանցից յուրաքանչյուրի գործողությունները: Ձերբակալվել է ևս 4 անձ միջադեպին առնչություն ունենալու կասկածանքով:
Այս պահի դրությամբ ընդհանուր առմամբ քրեական գործի շրջանակներում դատավարական կարգավիճակ ունի 6 անձ, որոնցից 5-ը կասկածյալի:
Ձերբակալվածներից մեկին` 1995 թ.-ին ծնված երիտասարդին մեղադրանք է առաջադրվել քրեական օրենսգրքի 258-րդ հոդվածի 4 մասի 1-ին կետով ( խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ) և քննիչի կողմից միջնորդություն է ներկայացել դիմել դատարան նրան նկատմամբ որպես խափանման միջոց կալանավորումն ընտրելու վերաբերյալ:
