20.05.2026 | 20:06
«Վերջին զանգի» միջոցառումներով պայմանավորված՝ կիրականացվի ուժեղացված ծառայություն. ՆԳՆ
Դեսպան Բաղդասարյանը հանդիպել է Հավալլիի նահանգապետի հետ․ քննարկվել են երկուստեք հետաքրքրություն ներկայացնող փոխգործակցային հարցեր
Քաղաքականություն
29.01.2019 | 19:52
Հունվարի 27-ին Քուվեյթում ՀՀ դեսպան Սարմեն Բաղդասարյանը հանդիպեց Քուվեյթի Պետության Հավալլի նահանգի նահանգապետ, գեներալ Շեյխ Ահմադ Նաուաֆ Ալ-Ահմադ Ալ-Ջաբեր Ալ-Սաբահի (Sheikh Ahmad Nawaf Al-Ahmad Al-Jaber Al-Sabah) հետ:
Նահանգապետ Ալ-Սաբահը ողջունեց ՀՀ դեսպանին և համառոտ տեղեկություն տրամադրեց Հավալլի նահանգի տեղի և դերի վերաբերյալ։ Նահանգապետը պատրաստակամություն հայտնեց համագործակցության՝ նշելով, որ ուրախ կլինի որևէ հարցով օգտակար լինելու դեսպանությանը։
Շնորհակալություն հայտնելով ջերմ ընդունելության համար` դեսպան Բաղդասարյանը վստահեցրեց, որ հաճելի է ծանոթությունը Հավալլիի նահանգին և անձամբ նահանգապետին՝ հույս հայտնելով մոտ ապագայում երկկողմ համագործակցության գործնական քայլեր կատարելու համար։
Այդ համատեքստում զրուցակիցները մտքեր փոխանակեցին երկուստեք հետաքրքրություն ներկայացնող փոխգործակցային հարցերի շուրջ։
