20.05.2026 | 10:39
Հայաստանի Պրեմիեր լիգա․ «Նոայի» 8 գոլերն ու նախավերջին տուրի տեսաամփոփումը
«Թուրքիայում հեռանկար չեմ տեսնում»․ Մհեր Նավոյան. ՏԵՍԱՆՅՈՒԹ
Մշակույթ
29.01.2019 | 12:58
Կոմիտասի թանգարան-ինստիտուտի բացման 4-րդ տարեդարձին նվիրված մամուլի ասուլիսի ընթացքում ելույթով հանդես եկավ ՀՀ արվեստի վաստակավոր գործիչ, պրոֆեսոր Մհեր Նավոյանը: Նա նշեց, որ Կոմիտասի թանգարան-ինստիտուտը համագործակցում է Գերմանիայում ՀՀ դեսպանության հետ։ Մասնավորապես՝ այս տարի աշխատակիցներից մեկը կգործուղվի Գերմանիա, որի ընթացքում կփորձի արխիվներում փնտրել Կոմիտասի կյանքին ու գործունեությանն առնչվող նյութեր։
«Այս պահին արդեն Կոմիտասի 7 նամակ ենք հայտնաբերել՝ գրված տարբեր ժամանակաշրջաններում»,- նշեց Մհեր Նավոյանը։
Նրա խոսքով՝ Կոմիտասի 150-մյակին նվիրված գիտաժողովի շրջանակում միջոցառումներ և ուսումնասիրություններ կանցկացվեն նաև Բեռլինի Հումբոլտ համալսարանում, որտեղ Կոմիտասն ուսանել է։ Բանախոսի համոզմամբ՝ Ֆրանսիայի հետ համագործակցության հեռանկար նույնպես կա։ Հնարավոր են նաև ուսումնասիրություններ Սորբոնի համալսարանում։
Երաժշտագետ Մհեր Նավոյանը, խոսելով Թուրքիայի հետ հնարավոր համագործակցության մասին, նշեց․ «Չեմ կարծում, որ արխիվային կամ որևէ այլ տեսակի համագործակցություն ունենանք։ Թուրքիայում հեռանկար չեմ տեսնում»։
Նելլի Մելքոնյան
