20.05.2026 | 16:21
«Հեռախոսով էդքան փողի անունը կտաք, որ ի՞նչ»․ ՀԿԿ-ն ԱԹՍ-ով գաղտնալսում է իրականացրել․ ՏԵՍԱՆՅՈՒԹ
Թրամփը հայտարարել է նոր «շաթդաունի» հնարավորության մասին
Քաղաքականություն
28.01.2019 | 15:01
ԱՄՆ նախագահ Դոնալդ Թրամփը հայտարարել է նոր «շաթդաունի»՝ դաշնային կառավարության աշխատանքների հնարավոր դադարեցման մասին, հայտնում է iz.ru-ն։
The Wall Street Journal-ին տված հարցազրույցում Թրամփը նշել է, որ կդադարեցնի կառավարության աշխատանքը, եթե Կոնգրեսը մեքսիկական սահմանին կառուցվող պատի համար անհրաժեշտ ֆինանսական միջոցներ չտրամադրի։
Թրամփը նշել է, որ աշխատանքի հնարավոր դադարեցումը տարբերակներից մեկն է։ ԱՄՆ նախագահը նաև գնահատել է բանակցությունների հաջող ավարտի շանսերը։
«Ես կարծում եմ, որ բանակցությունների հաջող ավարտի հավանականությունը 50/50-ից էլ քիչ է»,- նշել է Թրամփը։
Խոսելով այն մասիին, թե արդյոք պատրաստվում է Մեքսիկայի հետ սահմանին պատի կառուցման համար 5․7 մլրդ դոլարից քիչ գումար ծախսել, ԱՄՆ նախագահն ընդգծել է․ «Իմ առաջադրանքն է անել դա այնպես, ինչպես հարկն է»։
Հիշեցնենք, որ ԱՄՆ կառավարության գործունեությունը մասնակի կասեցված էր անցյալ տարվա դեկտեմբերի 22-ից: Պատճառը Մեքսիկայի հետ սահմանին պատի կառուցման ֆինանսավորման հետ կապված Թրամփի և օրենսդիրների տարաձայնություններն են:
