12.10.2026 | 15:44
Մինչև նախաքննական փուլը չավարտվի, չարժի սրա մեջ մտնել․ Սասուն Միքայելյանը՝ Շաքիի դեպքի մասին․ ՏԵՍԱՆՅՈՒԹ
Հայկական բանակի ծնունդը նման է Վահագնի ծննդին. այն ծնվեց կրակից՝ անհրաժեշտաբար. Արմեն Սարգսյան. ՏԵՍԱՆՅՈՒԹ
Տեսանյութեր
28.01.2019 | 14:13
«Մեր բանակի ծնունդը պարզ չի եղել, կարծում եմ, այն նման է Վահագնի ծնունդին։ Հայկական բանակը ծնվեց երկունքի միջոցով, բարդ ու ծանր ժամանակներում ծնվեց կրակից՝ անհրաժեշտաբար։ Ինչպես Վահագնը, նա նույնպես պայքարեց հանուն ազատության, հայրենիքի և հաղթանակի»,- այսօր Բանակի օրվան նվիրված միջոցառման ժամանակ իր ելույթում ասաց ՀՀ նախագահ Արմեն Սարգսյանը՝ նշելով, որ մեր բանակը նվիրյալ կամավորի, պրոֆեսիոնալ զինվորի, շարքայինի ու հրամանատարի ու պետական, քաղաքական գործչի, մտավորականի և աշխատավորի, հայաստանցու ու արցախցու և սփյուռքահայի համատեղ ջանքի, ոգու և կամքի արդյունք է։
Արմեն Սարգսյանի խոսքով՝ կարճ ժամանակում մեր բանակը դարձավ ամենակազմակերպված և ամենամարտունակ բանակն աշխարհում և մենք ունեցանք բազում և մեծ հաղթանակներ ու լեգենդար հերոսներ։
«Բանակն, իսկապես, հասարակության հայելին է, և եթե հասարակության, պետության մեջ քայլեր են ձեռնարկվում բացասական երևույթների վերացման, դրանց բացառման համար, ապա, իհարկե, այն իր արտոցոլումը պետք է գտնի նախևառաջ բանակում։ Բանակը պետք է լինի անբիծ և անբասիր, իսկ բանակում ծառայելը՝ ոչ միայն պարտականություն, այլ նաև մեծ պատիվ է»,- ասաց նախագահը։
Մանրամասները՝ տեսանյութում։
Աղավնի Սուքիասյան
