15.11.2024 | 13:17
«Ի՞նչ է սպասվում Լեռնային Ղարաբաղից տեղահանվածներին 2025-ի մարտից հետո». ՈՒՂԻՂ
Տրետյակովյան պատկերասրահից գողացել են Արխիպ Կուինջիի կտավը. ՏԵՍԱՆՅՈՒԹ
Մշակույթ
28.01.2019 | 13:33
Կիրակի երեկոյան Տրետյակովյան պատկերասրահից գողացել են ռուս նկարիչ Արխիպ Կուինջիի «Այ Պետրի. Ղրիմ» կտավը․ հայտնում է ria.ru-ն։
Դեպքը տեղի է ունեցել մեծ նկարչի ծննդյան օրը՝ թանգարանի ինժեներական կորպուսում: Անհայտ անձը մոտեցել է կտավին, պատից վերցրել այն, հանել շրջանակից ու անհետացել: Բոլորը վստահ են եղել, որ նա թանգարանի աշխատակիցներից է եղել, սակայն քիչ անց պարզ է դարձել, որ գողություն է տեղի ունեցել: Ոստիկանությունը քրեական գործ է հարուցել։
Նշենք, որ Կուինջիի հայտնի կտավի արժեքը տատանվում է 800 հազարից մինչև 2 միլիոն դոլարի սահմաններում։
Ավելի ուշ, Ռուսաստանի Անվտանգության դաշնային ծառայությունը հայտնաբերել է կասկածյալին։ 31-ամյա տղամարդը կտավը թաքցրել էր Օդինցովյան շրջանում կառուցվող շինության տարածքում։
Նշենք, որ կասկածյալը դեռ 2018-ին մայրաքաղաքային ոստիկանության կողմից հսկողության տակ էր գտնվում՝ թմրանյութեր պահելու, ինչպես նաև քրեական գործի մեջ ներգրավված լինելու համար։ Նա ազատության մեջ էր գտնվում՝ երկրից չբացակայելու պայմանով։
