16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Եվրոպական դատարանի ապագա դատավորի թեկնածուներին ընտրելու ենք 20 հոգով, որոնցից մեկը ես եմ լինելու․ Էդմոն Մարուքյան․ ՏԵՍԱՆՅՈՒԹ
Հասարակություն
28.01.2019 | 11:28
ԱԺ «Լուսավոր Հայաստան» խմբակցության ղեկավար Էդմոն Մարուքյանը ԵԽԽՎ-ում ընդգրկվել է եվրադատարանի դատավորների ընտրության հանձնաժողովում, նշանակվել է որպես հիմնական անդամ, ինչը նշանակում է, որ 47 անդամ պետություններից ձևավորվող Եվրոպական դատարանի ապագա դատավորի թեկնածուներին ընտրելու են 20 հոգով, որոնցից մեկն էլ Մարուքյանն է լինելու։
«Սա շատ կարևոր լծակ է մեր պետության, մեր պատվիրակության և ինձ համար»,- հունվարի 28-ին լրագրողների հետ զրույցում ասաց պատգամավորը։
Էդմոն Մարուքյանի խոսքով՝ նշանակվել է նաև ԵԽԽՎ Մոնիթորինգի հանձնաժողովի անդամ, իսկ դիտարկում է կազմակերպության անդամ 47 պետություններում մարդու իրավունքների, ժողովրդավարության, իրավունքի գերակայության չափանիշներին համապատասխանությունը։
Ըստ պատգամավորի՝ Հայաստանը նույնպես մոնիթորինգի տակ է, և այդ հանձնաժողովում մեր երկրից միայն ինքն է ընդգրկված:
«Երկու հանձնաժողովներն էլ շատ կարևոր են, ես նշանակվել եմ իմ քաղաքական խմբի կողմից, և այդ հնարավորությունը պետք է ծառայեցվի ի շահ մեր հնարավորությունների մեծացման»,- հավելեց պատգամավորը։
Մանրամասները՝ տեսանյութում:
Աղավնի Սուքիասյան
