08.08.2026 | 13:20
«Ծիրան» սուպերմարկետում հացի արտադրամասի գործունեությունը կասեցվել է՝ սանիտարական խախտումների պատճառով
Մշակութային տոնախմբություն Գյումրիում
Հասարակություն
26.01.2019 | 15:35
Հունվարի 25-ին Գյումրի Հանրապետության նախագահի այցելության բարձրակետը մշակութային այն տոնախմբությունն էր, որը տեղի է ունեցել Գյումրու Վ. Աճեմյանի անվան դրամատիկական թատրոնի շենքում:
Նախագահ Արմեն Սարգսյանը և տիկին Նունե Սարգսյանը կոմպոզիտոր, ՀՀ ժողովրդական արտիստ Տիգրան Մանսուրյանի և արվեստասեր հասարակության ներկայացուցիչների հետ մասնակցել են Գյումրիի պետական սիմֆոնիկ նվագախմբի հիմնադրման 25-ամյակին նվիրված համերգին:
Համերգից հետո նախագահը հանդիպել է նվագախմբի ղեկավարության հետ և, ի սրտե շնորհավորելով հոբելյանի առթիվ, երախտագիտություն հայտնել արվեստին անմնացորդ նվիրումի և մշակութային խիզախումի համար, որի շնորհիվ Գյումրին այսօր ունի բարձրակարգ նվագախումբ:
«Երկրաշարժից ընդամենը 4-5 տարի հետո գյումրեցին որոշեց, որ ինքը պետք է սիմֆոնիկ նվագախումբ ունենա: Դա հատուկ մարդիկ կարող են անել, հատուկ ժողովուրդ, հատուկ կամքի ուժ, և ընդհանրապես համառություն և նվիրվածություն ունեցող մարդիկ»,-ասել է նախագահը: Նա պատրաստակամություն է հայտնել նաև որոշակի աջակցությամբ նպաստել նվագախմբի հետագա ծրագրերի իրականացմանը:
