23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Facebook-ը պատրաստվում է միավորել Instagram, Whatsapp և Messenger հավելվածները
Հասարակություն
25.01.2019 | 20:33
Ֆեյսբուքը պտրաստվում է մեկ ծրագրի մեջ միավորել Instagram, Whatsapp և Messenger հավելվածները․ հայտնում է independent.co.uk-ն։
Ըստ The New York Times-ում ներկայացված զեկույցի՝ միավորումը տեղի կունենա հաջորդ տարի։
Հավելվածներից յուրաքանչյուրը մյուսից առանձին կմնա։ Կփոխվի միայն նամակագրական ենթակառուցվածքը, որը երեք հավելվածի համար էլ նույնը կլինի։
Ֆեյսբուքի հիմնադիր Մարկ Ցուկերբերգն, ըստ զեկույցի, արդեն հանձնարարել է կոդավորել հավելվածների ողջ նամակագրական պատմությունը։
Գաղափարը միտված է Ֆեյսբուքի կողմից ձեռք բերված հավելվածների օգտատերերի միջև հաղորդակցության բարեփոխմանը։
Հիշեցնենք, որ Ֆեյսբուքն Instagram-ը գնել էր դեռ 2012-ին՝ 1 միլիարդ դոլարով, իսկ WhatsApp-ն ավելի ուշ՝ 2014-ին, 19․3 միլիարդ դոլարով։
Նելլի Մելքոնյան
