18.12.2025 | 23:24
ՀՀ տարածքում ավտոճանապարհները հիմնականում անցանելի են
Երևանի բնակչին մեղադրանք է առաջադրվել՝ խոշոր չափերով թմրամիջոց պատրաստելու, պահելու համար
Հասարակություն
24.01.2019 | 20:19
ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում ավարտվել է առանց իրացնելու նպատակի թմրամիջոցների ապօրինի շրջանառության դեպքի առթիվ հարուցված քրեական գործի նախաքննությունը: Ձեռք բերված ապացույցների հիման վրա՝ մեղադրանք է առաջադրվել Երևանի 39-ամյա բնակչին:
Քննությամբ ձեռք բերված տվյալների համաձայն՝ 2018 թվականի օգոստոսի 20-ին Երևանի բնակիչը՝ ծնված 1979թ., իր կողմից վարած «Opel» մակնիշի ավտոմեքենայով Լոռու մարզից Երևան վերադառնալիս, կայանելով ճամփեզրին՝ քաղել է կանեփի բույսի տերևներ և տեղափոխել Երևան: Այնուհետև մանրացնելու եղանակով, առանց իրացնելու նպատակի, ապօրինի պատրաստել է ընդհանուր խոշոր չափերի` 16.33 գրամ հաստատուն քաշով «Մարիխուանա» տեսակի թմրամիջոց, պատրաստի զանգվածը փաթաթել 7 տարբեր փաթեթներում, որոնք պահել է տարբեր վայրերում:
Ձեռք բերված բավարար ապացույցների հիման վրա՝ 39-ամյա տղամարդուն մեղադրանք է առաջադրվել՝ ՀՀ քրեական օրենսգրքի 268-րդ հոդվածի 2-րդ մասով: Նրա նկատմամբ որպես խափանման միջոց է ընտրվել ստորագրություն չհեռանալու մասին:
Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել դատարան:
