13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Կիևի դատարանը Յանուկովիչին մեղավոր է ճանաչել պետական դավաճանության գործով
Քաղաքականություն
24.01.2019 | 13:50
Կիևի դատարանն Ուկրաինայի նախկին նախագահ Վիկտոր Յանուկովիչին մեղավոր է ճանաչել պետական դավաճանության գործով: Այս մասին տեղեկացնում է ՌԻԱ Նովոստին:
«Չնայած մեղադրյալը չի ընդունում մեղքը՝ դատարանը, լսելով վկաների ցուցմունքները, հետազոտելով փորձագետների ներկայացրած ապացույցները, փաստաթղթերն ու իրեղեն ապացույցները, գնահատելով պաշտպանական կողմի փաստարկները, կարծում է, որ հանցագործությունների կատարման մեջ մեղադրյալի մեղքն ապացուցված է»,- հայտարարել է դատավորը:
Դատարանն այսօր սկսել է կարդալ Յանուկովիչի դատավճիռը: Ընդ որում, այն հեռակա է, քանի որ Ուկրաինայի նախկին նախագահը 2014 թվականից երկրի սահմաններից դուրս է:
Պետական դավաճանության վերաբերյալ գործը դատարանը սկսել է քննել 2017 թվականի հունիսից: Այն բազմաթիվ քրեական գործերից մեկն է, որոնք ուկրաինական իշխանությունները պետության նախկին ղեկավարի նկատմամբ հարուցել են 2014թ. պետական հեղաշրջումից հետո:
Նախապես դատախազությունը պատրաստվում էր Յանուկովիչի համար ցմահ ազատազրկում պահանջել, սակայն հետագայում մեղադրող կողմը որոշեց 15 տարվա ազատազրկում պահանջել:
Վիկտոր Յանուկովիչը կտրականապես հերքում է մեղքը:
