11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Հոնկոնգի քաղաքացիները Հայաստան կայցելեն առանց մուտքի արտոնագրի․ ՏԵՍԱՆՅՈՒԹ
Քաղաքականություն
24.01.2019 | 12:37
Կառավարության որոշմամբ` Չինաստանի Հոնկոնգ հատուկ վարչական շրջանի անձնագիր ունեցող քաղաքացիների համար Հայաստանի հետ կգործի առանց մուտքի արտոնագրի ռեժիմ:
Համապատասխան որոշման նախագիծը գործադիրի հավանությանը ներկայացրեց ՀՀ արտգործնախարար Զոհրաբ Մնացականյանը։
Ըստ օտարերկրյա քաղաքացիների մասին ՀՀ օրենքի՝ Հոնկոնգից ՀՀ եկած քաղաքացիների համար առանց մուտքի արտոնագրի ռեժիմը կգործի 180 օր, իսկ ՀՀ քաղաքացիների համար Հոնկոնգում՝ 30 օր։
Որոշումն ուժի մեջ կմտնի 2019-ի մարտի 3-ից:
«Նախարարությունում քննարկվում է նաև Չինաստանի հետ սովորական անձնագրերով, առանց արտոնագրերի փոխադարձ այցելությունների ռեժիմ սահմանելու հարցը։ Չինական կողմը ներկայացրել է մեզ միջազգային պայմանագրի նախագիծ, որի կնքման հարցը դիտարկվում է համապարփակ և հաշվի են առնվում միգրացիոն հոսքերը, ռիսկերը կարգավորող և այլ միջազգային պայամանագրերի համատեքստը։ Ուսումնասիրում ենք նաև այլ պետությունների պրակտիկան»,- ասաց նախարարը։
Մանրամասները՝ տեսանյութում։
