06.06.2026 | 13:56
Նավթի գները նվազել են
Հայաստանի առաջատար ձյուդոիստները մեկնել են Թել-Ավիվ
23.01.2019 | 22:34
Հայաստանի առաջատար ձյուդոիստներ, Եվրոպայի գործող չեմպիոն Ֆերդինանդ Կարապետյանը / 73 կգ / և Արսեն Խանջյանը / 90 կգ / մեկնել են Թել – Ավիվ ` մասնակցելու տարվա առաջին Գրան Պրի մրցաշարին: 54 երկրի շուրջ 420 մասնակիցների հետ նրանք 2500 տեղանոց «Շլոմո – Արենա» մարզապալատում կպայքարեն օլիմպիական ուղեգրերի համար: Մրցանակակիր եռյակը կվաստակի հաջորդաբար 700, 490 և 350 վարկանիշային միավոր: Բացի այդ, մեդալակիրներին կհանձնվի համապատասխանաբար 3000, 2000 և 1000 ԱՄՆ դոլար: Տղաներն այնուհետև իրենց ունակությունները կդրսևորեն Ֆրանսիայում փետրվարի 9 – ին մեկնարկելիք «Մեծ սաղավարտի» միջազգային ստուգատեսին, որը նույնպես վարկանիշային է:
Մարզաձևի միջազգային ֆեդերացիայի նախագահ Մարիուս Վիզերն ասել է, որ ձյուդոն զարգացման ճիշտ ուղու վրա է: Խորհրդանշական է, որ այս տարվա աշխարհի առաջնությունը օգոստոսին կանցկացվի ձյուդոյի պատմական հայրենիքի մայրաքաղաք Տոկիոյում, որտեղ 2020թ. տեղի կունենան օլիմպիական մցումները:
ՀԱՕԿ լրատվական բաժին
