02.04.2026 | 15:05
Ռուբեն Ռուբինյանն ընդունել է ՀՀ-ում Կիպրոսի դեսպանին
«Բրեքսիթը հետաձգելը խնդրի լուծում չէ»․ Թերեզա Մեյ
Քաղաքականություն
23.01.2019 | 20:37
Բրեքսիթի հարցը հետաձգել ցանկացող նախարարներին Մեծ Բրիտանիայի վարչապետ Թերեզա Մեյն ասել է, որ դա հարցի լուծում չէ. հայտնում է BBC-ն։
«Որոշումն անփոփոխ է․ «դիլ, նո դիլ» կամ ոչ մի Բրեքսիթ»,- հայտարարել է Մեյը «Հարցեր վարչապետին» նստաշրջանի ընթացքում։
Նախարարները Մեյին այլընտրանքային նախագծեր են առաջարկել՝ ԵՄ-ից դուրս գալու համաձայնագրի հետ կապված։ Դրանցից մեկը Բրեքսիթի հետաձգման մասին է եղել։ Այդուհանդերձ, Թերեզա Մեյի կարծիքով՝ խնդրի լուծման միակ «ճիշտ ճանապարհը» իր առաջարկածն է։
Գործող օրենքի համաձայն՝ Մեծ Բրիտանիան Եվրամիությունից դուրս կգա այս տարվա մարտի 29-ին, անկախ այն բանից՝ գործարքը կկատարվի, թե՝ ոչ։
Հիշեցնենք, որ ԵՄ-ից դուրս գալու որոշումն ընդունվել էր 2016-ի հունիսին՝ 52/48 տոկոս համակցությամբ։
