10.12.2025 | 20:23
Ադրբեջանն ու ՆԱՏՕ-ն համատեղ զորավարժությունների մասին փաստաթուղթ են ստորագրել
Փաշինյանի առաջարկը ՀՅԴ-ում քննարկվել է. ինչ համագործակցություն է սպասվում առաջիկայում
Քաղաքականություն
23.01.2019 | 15:30
Դաշնակցության 33-րդ Ընդհանուր ժողովում քննարկվել է վարչապետ Նիկոլ Փաշինյանը առաջարկը: Այս մասին Factor.am-ին հայտնեց ՀՅԴ-ական Ռուզան Առաքելյանը:
Հիշեցնենք՝ Դաշնակցության 33-րդ Ընդհանուր ժողովի բացումը տեղի է ունեցել հունվարի 16-ին Արցախում և կշարունակվի մինչև հունվարի 24-ը:
Երեկ՝ ՀՅԴ 33-րդ Ընդհանուր Ժողովի աշխատանքների 5-րդ օրը, ՀՀ վարչապետ Նիկոլ Փաշինյանի ողջույնի ուղերձը էր հղել Դաշնակցությանը՝ ընգծելով, որ պատրաստ են համագործակցել այդ կուսակցության հետ:
«Իմ և Հայաստանի նորընտիր խորհրդարանի մեծամասնության անունից հայտարարում եմ, որ պատրաստ ենք համագործակցության ՀՅԴ-ի հետ։ Մենք նաև բաց ենք լինելու ձեր հնչեցրած առաջարկությունների և քննադատության հանդեպ»,- ասել էր Փաշինյանը:
Նշենք, որ Ընդհանուր ժողովի բացման օրը Նիկոլ Փաշինյանին և նրա թիմին խիստ քննադատության էր ենթարկել Հրանտ Մարգարյանը՝ հայտարարելով, որ հաջորդ ընտրություններին պատրաստվում են տուն ուղարկել գործող իշխանություններին և ստանձնել երկրի ամբողջական ղեկավարումը:
Թե ինչ քննարկում է եղել և ինչպես են Դաշնակցությունում վերաբերում վարչապետի առաջարկին՝ Ռուզան Առաքելյանը դժվարացավ պատասխանել՝ պատճառաբանելով, որ մանրամասներից դեռ տեղյակ չէ, տեղեկանալուն պես կխոսի այդ մասին:
Փորձեցինքն մանրամասներ ճշտել նաև այլ ՀՅԴ-ականներից, սակայն մեր զանգերը մնացին անպատասխան: Հաջողվեց կապ հաստատել Ռոմիկ Մանուկյանի հետ, որը հարցը լսելուց հետո հրաժարվեց մեկնաբանություն տալ:
Ուշագրավ է, որ Դաշնակցությանը հակահեղափոխական համարող Փաշինյանն ու իր թիմը ՀՅԴ-ի հետ համագործակցության եզրեր են փնտրում, մասնավորապես այն բանից հետո, երբ հոկտեմբերի 2-ի հայտնի դեպքերից հետո այն ժամանակ վարչապետի պաշտոնակատար Նիկոլ Փաշինյանը հենց հարթակից պաշտոնանկ արեց ՀՅԴ-ական նախարարներին:
