12.10.2026 | 13:08
ԱՄՆ-ը սպառնում է արգելափակել Ուկրաինային զենքի մատակարարումը՝ ռուսական նավթավերամշակման գործարաններին հարվածների պատճառով․ FT
Առողջապահության նախարարության բոլոր աշխատակիցները պարգևավճարներ են ստացել․ նախարար․ ՏԵՍԱՆՅՈՒԹ
Հասարակություն
23.01.2019 | 11:56
«Առողջապահության նախարար աշխատելուց հետո իմ առաջին քայլերից մեկը եղել է բուժաշխատողների աշխատավարձերի բարձրացումը, այդ գործընթացը շարունակական է լինելու, և ես համարում եմ, որ ՀՀ-ում միջին աշխատավարձը պետք է աճի և՛ եղած ռեսուրսների, և՛ նոր տնտեսական գործընթացների հետևանքով առաջացող ռեսուրսների հաշվին»,- այսօր հրավիրված մամուլի ասուլիսի ժամանակ ասաց առողջապահության նախարար Արսեն Թորոսյանը՝ անդրադառնալով պարգևավճարների խնդրին։
«Խոսքը վերաբերում է ոչ միայն 40 հազար բուժաշխատողներին, և վարչական աշխատողներին։ Մեր նախարարությունում պարգևավճարներ տրվել է տարվա վերջին, և ես դա համարում եմ օրինաչափ։ Մենք պետք է աշխատենք այն ուղղությամբ, երբ պետական կառավարման ապարատի օպտիմալացման արդյունքում ոչ թե պարգևավճարներով փոխհատուցենք վարչական աշխատողների ջանքերը, այլ աշխատավարձի դրույքային չափն այնքան բարձրացնենք, որ պետական աշխատողները ստանան մրցունակ աշխատավարձ մասնավոր սեկտորում աշխատողների հետ համեմատ»,- ասաց նախարարը։
Հարցին՝ քանի՞ աշխատող է Առողջապահության նախարարությունում պարգևավճար՝ 13-րդ աշխատավարձ ստացել այս տարի և ի՞նչ չափով, նախարարը պատասխանեց․ «Բոլորին տրվել է, չափը չեմ հիշում»։
Մանրամասները՝ տեսանյութում։
