28.09.2026 | 17:00
Զովունիում 1550 քմ հողատարածք վերադարձվել է համայնքին
ՀՀ դեսպանի հանդիպումը Աշխաբադի քաղաքապետի հետ
Քաղաքականություն
22.01.2019 | 19:30
Հունվարի 22-ին Թուրքմենստանում ՀՀ դեսպան Գառնիկ Բադալյանը հանդիպեց Աշխաբադի խյակիմ (քաղաքապետ) Շահմուհամմեդ Դուրդիլիևի հետ (Durdylyýew Şamuhammet):
Հանդիպման սկզբում փոխադարձ շնորհավորանքներ և բարեմաղթանքներ փոխանակելուց հետո զրուցակիցներն անդրադարձան ընթացիկ տարվա առաջին կիսամյակում Թուրքմենստան-Հայաստան միջկառավարական համատեղ հանձնաժողովի՝ Աշխաբադում կայանալիք 9-րդ նիստի անցկացմանը:
Քաղաքապետ Դուրդիլիևը ներկայացրեց Աշխաբադում իրականացվող քաղաքաշինական մեծ ծրագրերը բնակարանաշինության, կառուցապատման, կանաչապատման և այլ ոլորտներում:
ՀՀ դեսպանը և քաղաքապետը կարևորեցին Աշխաբադի և Երևանի միջև ուղղակի կապերի հաստատումը, իսկ առևտրատնտեսական, մշակութային և գիտակրթական բնագավառներում՝ երկկողմ համագործակցության ակտիվացման և խորացման անհրաժեշտությունը:
