Հասարակություն
21.01.2019 | 19:26
2017թ․ նոյեմբերի 15-ից դեկտեմբերի 30-ն ընկած ժամանակահատվածում կոնյակների ձեռքբերման համար գերատեսչություններից ամենաշատը գումար ծախսել է Ազգային ժողովը՝ մոտ 4,3 մլն դրամ։
ԱԺ-ն այդ կոնյակները ձեռք է բերել պաշտոնական պատվիրակությունների ընդունելության համար՝ որպես խմիչք-հուշանվերներ։ Այս տվյալը նշված է «Հանրային քաղաքականության հետազոտությունների Ազգային կենտրոնի» կողմից կատարված «Պետական կառույցների կողմից ամանորյա հյուրասիրությունների, հանդիսավոր արարողությունների և այլ միջոցառումների կազմակերպման հետ կապված գնումների մոնիթորինգում»։
Ընդ որում՝ ԱԺ-ի կողմից ձեռք բերված խմիչքների խմբում հատկապես 4 կոնյակ բավականին թանկ է արժեցել՝ յուրաքանչյուրը 122 հազար դրամ։ Մոնիթորինգի համաձայն՝ ԱԺ-ին կոնյակները հիմնականում մատակարարել է «Վինո վինո» ՍՊԸ-ն։
