16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
«Հայերի հանդեպ Լապշինի սերը» հանգիստ չի տալիս ադրբեջանցիներին. Բաքվում արձագանքել են Հայաստան բլոգերի այցին
18.01.2019 | 18:13
Հերթական այցով Երևանում գտնվող բլոգեր Ալեքսանդր Լապշինը Հայաստան ժամանելուց կարճ ժամանակ անց ադրբեջանցիներից «սպառնալիքներ» է ստացել: Լապշինը ֆեյսբուքյան իր էջում տեղեկացրել է, որ ադրբեջանական լրատվական կայքերից մեկում հոդված է հրապարակվել, որում նշվում է, թե «եթե Լապշինը չդադարեցնի իր սերը հայերի հանդեպ, մեր համբերությունը կհատի»:
«Նրանց քիչ է, որ Ստրասբուրգի Եվրադատարանն իրենց պատասխանատվության է կանչել իմ նկատմամբ սպանության փորձի համար, և որ շուտով դատապրոցես կսկսվի ԱՄՆ-ում: Նրանց քիչ է նաև, որ երեկ ԵԽԽՎ-ն կոշտ քննադատեց Բաքվին՝ բլոգեր Մեհման Հուսեյնովին հետապնդելու համար, և ինձ հաճելի է, որ ես իմ փոքրիկ ներդրումն եմ ունեցել այդ որոշման գործում: Եվ նրանք դեռ բացահայտ սպառնում են ինձ: Շնորհակալություն, իհարկե, ուղարկեցի փաստաբաններիս, կկցեն գործին»,- գրել է Ալեքսանդր Լապշինը:
Լապշինը գրել է, որ ադրբեջանցիների, մասնավորապես՝ Ալիևի համար, ելնելով Բաքվում տիրող ներքաղաքական իրավիճակից, հիմա կարևոր է, որպեսզի ինքն ամենամոտ ժամանակներում Արցախ այցելի:
«Որպեսզի իմ այցը ներկայացնեն որպես Հայաստանի կողմից կանխամտածված սադրանք, կապված Մամեդյարովի և Մնացականյանի փարիզյան բանակցությունների հետ: Այդ պատճառով նրանք առաջիկայում ակտիվորեն մեկնաբանելու են Հայաստանում իմ յուրաքանչյուր տեղաշարժ՝ ձգտելով ցանկացած քայլ առավելագույնս քաղաքականացնել»,- հավելել է բլոգերը:
Նա նաև տեղեկացրել է, որ այս ամենից ելնելով՝ Արցախ կմեկնի ավելի ուշ, որպեսզի իր այցը «Բաքվում ներկլանային խժդժություններ առաջացնի»:
«Իսկ մինչ այդ՝ ծիծաղենք, տեսնելով, թե ինչպես են հետևելու Դիլիջանից, Սևանից, Գյումրիից իմ հոդվածներին և դրանում հրապարակման որևէ բան գտնեն»,- հավելել է Լապշինը:
