19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Լրջագույն սխալ կլինի ԱԱԾ-ին և Ոստիկանությանը նախարարության կարգավիճակ տալը. Արարատ Միրզոյան. ՏԵՍԱՆՅՈՒԹ
Քաղաքականություն
18.01.2019 | 14:18
«Լրջագույն քաղաքական սխալ կհամարեմ Ազգային անվտանգության ծառայությանն ու Ոստիկանությանը նախարարության կարգավիճակ տալն ու կրկին քաղաքականացնելը: Մեր ինստիտուցիոնալ ձեռքբերումներց մեկը նաև այս կառույցները ապաքաղաքականացնելն էր և նախարարության կարգավիճակից զրկելը», -այս մասին այսօր խորհրդարանում լրագրողների հետ զրույցում ասաց ԱԺ նախագահ Արարատ Միրզոյանը՝ անդրադառնալով այդ կառույցներին նախարարության կարգավիճակ տալու հանրային քննարկումներին և ընդդիմության պահանջին։
Ըստ Միրզոյանի՝ այդ կառույցների կարգավիճակը պետք է պահպանվի։
«Մեր գործընկերների հետ խոսել ենք այդ մասին: Մեխանիզմները բազմաթիվ են, օրինակ, գերատեսչությունների ղեկավարներին խորհրդարան բերել, պատգամավորների հետ նրանց հանդիպումները կազմակերպել և այլն», – նշեց Միրզոյանը:
Հիշեցնենք՝ «Լուսավոր Հայաստան» խմբակցության անդամները պնդում են՝ այդ կառույցները պետք է դուրս գան վարչապետի վերահսկողությունից և ստանան նախարարության կարգավիճակ։
Մանրամասները՝ տեսանյութում։
