18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Արդեն 5-րդ օրն է՝ քննարկում ենք թեկնածուների հարցը. ահագին անարդյունավետ ենք աշխատել. Բաբկեն Թունյան. ՏԵՍԱՆՅՈՒԹ
Տնտեսություն
18.01.2019 | 11:13
ԱԺ տնտեսական հարցերի մշտական հանձնաժողովի նախագահի թեկնածու, «Իմ քայլը» խմբակցության անդամ Բաբկեն Թունյանը համաձայն չէ գործընկերների տեսակետին, որ տնտեսական հեղափոխոթյուն արտահայտությունը սխալ է և դա անհնար է:
«Իմ կարծիքով՝ մենք ընկալումների խնդիր ունենք այդ տերմինի հետ կապված: Եթե նկատի ունեք զուտ դասական առումով, ասենք՝ պլանային տնտեսությունից անցնում ենք շուկայական տնտեսության կամ շուկայականից մեկ այլի, այդ առումով, բնականաբար, նման փոփոխության մասին որևէ մեկը չի խոսում: Մենք ավելի շատ խոսում ենք տնտեսության որակի, կառուցվածքի ու տրամաբանության արմատական փոփոխության մասին»,- ԱԺ ամբիոնից ելույթում ասաց Թունյանը՝ հավելելով, որ դա ոչ միայն հնարավոր է, այլև անխուսափելի:
Բաբկեն Թունյանի համար տնտեսական վերափոխումների կամ հեղափոխության ամենակարևոր գործոնը պատասխանատու աշխատանքն է: «Այդ առումով ասեմ, որ խոսում ենք, օրինակ, արդյունավետությունից կամ արտադրողականությունից: Դրանք կարևոր բաներ են, բայց արդեն հինգերորդ օրն է՝ մենք քննարկում ենք հանձնաժողովների նախագահների թեկնածուների հարցը: Երեկ հետաքրքրվեցի, պարզվեց՝ դա յուրօրինակ ռեկորդ է: Զուտ ժամանակի խնայողության տեսանկյունից մենք բավական անարդյունավետ ենք աշխատել»,- նշեց պատգամավորը:
Մանրամասները՝ տեսանյութում
