13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Թուրքիան և Մոլդովան պայմանավորվել են քաղաքացիների փոխադարձ այցերը կազմակերպել նաև ներքին անձնագրերով
Քաղաքականություն
17.01.2019 | 21:44
Թուրքիան և Մոլդովան փոփոխություններ են մտցրել ավելի վաղ կողմերի միջև կնքված «Վիզային ռեժիմի չեղարկման» պայմանագրում։ Երկու երկրների միջև 2012թ․ նոյեմբերի 1-ին Անկարայում ստորագրված պայմանագրով արդեն իսկ չեղարկվել էր վիզա ստանալու անհրաժեշտությունը՝ անձնագրով ճամփորդելու պարագայում։ Այդ պայմանագիրը ուժի մեջ էր մտել 2014թ․ հունիսի 1-ին. փոխանցում է ermenihaber-ը:
Իսկ 2018թ․ հոկտեմբերի 17-ին Քիշնևում Թուրքիայի և Մոլդովայի միջև կնքվել է «Վիզային ռեժիմը փոխադարձաբար չեղարկելու մասին պայմանագրին» կից մի արձանագրություն, որը արդեն հրապարակվել է Թուրքիայի կառավարության պաշտոնաթերթում։ Ըստ այդմ՝ առանց վիզայի ճամփորդելու հնարավորություն է տրվում ոչ միայն անձնագրով, այլև նույնականացման քարտով կամ այլ ճամփորդական փաստաթղթով ուղևորություն կատարող Թուրքիայի և Մոլդովայի քաղաքացիներին։
Այսպիսով, Թուրքիայի և Մոլդովայի քաղաքացիները այսուհետ անկախ անձնագրի տեսակից կարող են առանց վիզայի փոխադարձ այցելություններ կատարել՝ տվյալ երկրում մնալով ոչ ավել, քան 90 օր՝ միմյանց հաջորդող վեց ամսվա ընթացքում։
