09.08.2026 | 12:56
Սևանա լճում ջրափրկարարները նկատել են շրջված ջրային մոտոցիկլետ․ ՆԳՆ
Տնտեսական հեղափոխություն սպասել մեր երկրում լուրջ չէ․ Սերգեյ Բագրատյան․ ՏԵՍԱՆՅՈՒԹ
Քաղաքականություն
17.01.2019 | 19:46
Տնտեսական հեղափոխություն սպասել մեր երկրում լուրջ չէ, որովհետև մեր երկրում կացութաձի հեղափոխություն, փոփոխություն տեղի չի ունեցել․ մենք քաղաքական իմաստով կարող ենք հեղափոխություն բառն օգտագործել, բայց տնտեսության իմաստով՝ ոչ։
Այս մասին այսօր Ազգային ժողովում, անդրադառնալով տնտեսական հեղափոխություն իրականացնելու մասին արված հայտարարություններին, ասաց «Բարգավաճ Հայաստան» խմբակցության պատգամավոր Սերգեյ Բագրատյանը։
«Իրականում մեր տնտեսության զարգացման համար ավելի լավ է օգտագործել տնտեսական տրանսֆորմացիա տերմինը»,- խորհուրդ տվեց ԲՀԿ-ական պատգամավորը՝ նշելով, որ մենք պետք է ուշադրություն դարձնենք մեր երկրի տրանզիտային հնարավորություններին։
«Մենք ունենք երկու հզորագույն հարևաններ՝ Իրանն ու ՌԴ-ն, և այդ հնարավորությունները չենք օգտագործել։ Պետք է քանդել տնտեսական այն հանգույցները, որոնք հյուսել են նախկին ավտորիտար իշխանությունները։ Մինչև չանցնենք հարկային օրենսդրության փոփոխություններին, ոչինչ չենք կարող անել»,- ասաց Սերգեյ Բագրատյանը։
Մանրամասները՝ տեսանյութում։
