25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում
Մանվել Գրիգորյանի գործը քննող դատավորին պաշտպանները երկրորդ ինքնաբացարկը ներկայացրին
Հասարակություն
17.01.2019 | 18:03
Մանվել Գրիգորյանի գործով դատական նիստն այսօր ևս հետաձգվեց: Մանվել Գրիգորյանի պաշտպանական թիմը կրկին դատավորին ինքնաբացարկի միջնորդություն ներկայացրեց։
Նախորդ ինքնաբացարկի միջնորդությունը նիստը նախագահող դատավոր Արսեն Նիկողոսյանը մերժել էր: Այսօրվա նիստին կրկին քննարկվում էր Դատախազության բերած վերաքննիչ բողոքը՝ Առաջին ատյանի որոշման դեմ։
Պաշտպան Արսեն Մկրտչյանը լրագրողների հետ զրույցում ասաց, որ Մանվել Գրիգորյանը նիստերին չի ներկայանում առողջական խնդիրների պատճառով:
Հիշեցնենք, որ Մանվել Գրիգորյանին մեղադրանք է առաջադրվել ՀՀ ՔՕ-ի 235-րդ հոդվածի 2-րդ մասի՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը մի խումբ անձանց կողմից և ՔՕ-ի 179-րդ հոդվածի 3-րդ մասի 1-ին կետով՝ խոշոր չափերի յուրացում հատկանիշներով:
Լիլիթ Շաբոյան
