16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
«Արմենալ»-ը խուսափեց ամերիկյան պատժամիջոցներից. սենատորները դեմ են քվեարկել «Ռուսալ»-ի դեմ պատժամիջոցների խստացմանը
Տնտեսություն
17.01.2019 | 16:53
ԱՄՆ Սենատը դեմ է քվեարկել ռուսական «Ռուսալ» ընկերության դեմ պատժամիջոցները մեղմացնելու նախագծի արգելափակման առաջարկին: Ամերիկայի Հայ դատի հանձնախմբի (ANCA) տեղեկացմամբ՝ սա դրական ազդեցություն կունենա Հայաստանում «Ռուսալ»-ի դուստր ձեռնարկություն «Արմենալ»-ի վրա, որի արտադրանքն արտահանվում է նաև ԱՄՆ:
«ANCA-ն հանձնառու է մնում երկու երկրների օրենսդիրների հետ կառուցողական աշխատանքին՝ ԱՄՆ տարածաշրջանային պատժամիջոցների՝ Հայաստանի վրա չարդարացված հետևանքները վերացնելու համար»,- ասված է Հանձնախմբի տարածած հաղորդագրությունում:
Reuters-ի սեպտեմբերյան տվյալների համաձայն՝ «Արմենալ» գործարանը 2017 թվականին շուրջ 33 տոննա փայլաթիթեղ է արտադրել: Այդուհանդերձ, ռուսաստանցի գործարար Օլեգ Դերիպասկայի և նրա ղեկավարության ներքո աշխատող մի շարք ընկերությունների նկատմամբ ԱՄՆ-ի նախնական պատժամիջոցների պատճառով ստիպված է եղել կրճատել արտադրությունը:
Նշվում է նաև, որ «Արմենալ»-ն արտադրանք է մատակարարում ամերիկյան մի շարք ընկերությունների, այդ թվում՝ Trinidad Benham Corp-ին, Handi-Foil of America-ին և Durable Packaging International-ին:
