16.12.2025 | 13:42
ՀՀ-ն ՆԱՏՕ-ին անդամակցելու հավակնություն չունի. Սարգիս Խանդանյան․ ՏԵՍԱՆՅՈՒԹ
Սենյակում նստել որոշել են. ավտոներկրողներին վարչապետի որոշումը չի բավարարում. ՏԵՍԱՆՅՈՒԹ
Հասարակություն
17.01.2019 | 13:07
Ավտոներկրողների բողոքի ակցիան, որը նախորդ շաբաթ դադարեցվել էր՝ վարչապետի հետ հանդիպման պայմանով, այսօր նոր թափ ստացավ։ Առավոտից կառավարության դիմաց հավաքված ավտոներկրողները սպասում էին ոստիկանապետին, որը պետք է վարչապետի հետ զրուցեր և իրենց տեղեկություն հաղորդեր։ Վարչապետի փոխարեն նրա օգնականի՝ Նաիրի Սարգսյանի հետ հանդիպում ունեցան։
Ավտովարոորդների պաշտպանության լիգայի նախագահ Տիգրան Հովհաննիսյանը նշեց, որ վարչապետ Նիկոլ Փաշինյանին պարաստվում է հարց ուղղել 2020 թվականից ԵՏՄ տարածք մեքենաներ ներկրելն արգելող որոշման վերաբերյալ։
«Ավտոներկրողները մի մեքենան վաճառել են, մյուսը՝ նվիրաբերել, ինչը խնդիր է առաջացրել․ 20% եկամտահարկ վճարելու պարտավորություն»,- նշեց վարչապետի օգնական Նաիրի Սարգսյանը։
Նոր ընդունած օրենքը հետին ուժ է ստանալու՝ տարածվելով միայն 2018-ի հուլիսի 1-ից հետո առաջացած պարտավորությունների վրա։
ՊԵԿ նախագահ Դավիթ Անանյանի հետ քննարկումից հետո եկել են այն մտքին, որ 20% եկամտահարկն անհամեմատ բարձր հարկային բեռ է և հնարավոր չէ մեքենայի վաճառքից այդչափ գումար վճարել։
Նաիրի Սարգսյանի խոսքով՝ երկու հնարավոր տարբերակ են նախագծել և պատրաստ են վարչապետին ներկայացնել։ Կարևոր է այն, որ անձն այլևս ստիպված չի լինի ուրիշ մեկի անվան տակ մեքենա ներկրել Հայաստան։
Տիգրան Հովհաննիսյանի խոսքով՝ իրենք դեմ են «1,5% տոկոս ինվոյսի մասին» որոշմանը, քանի որ շատ դեպքերում մեքենան մի գնով ներկրում են, մեկ այլ գին մաքսային ծառայությանը ներկայացնում։ Ըստ նրա՝ սենյակում նստել որոշել են, թե ինչ անել․ իրենք դա չեն ընդունում։ Պահանջում են մաքսային վճարի համար հաստատագրված գումար սահմանել։
Մանրամասները՝ տեսանյութում:
