28.09.2026 | 15:20
Ալեն Սիմոնյանն ու Լիտվայի դեսպանը քննարկել են Հայաստան–ԵՄ հարաբերություններն ու տարածաշրջանային զարգացումները
Աշխարհի տարբեր վայրերում կհիշատակեն Հրանտ Դինքի սպանության 12-րդ տարելիցը
Քաղաքականություն
17.01.2019 | 12:48
Ամեն տարի պոլսահայ նշանավոր լրագրող, հրապարակախոս Հրանտ Դինքի սպանության օրը՝ հունվարի 19-ին, բազմաթիվ հայեր և թուրքեր հավաքվում են սպանությունն իրականացված վայրում և ոգեկոչում ազատ խոսքի ջատագով Դինքի հիշատակը. տեղեկացնում է ermenihaber-ը:
Հրանտ Դինքի հիշատակին նվիրված սգո միջոցառումը տեղի է ունենալու հունվարի 19-ին Ստամբուլի Օսմանբեյ թաղամասում «Ակօս» թերթի նախկին խմբագրության դիմաց:
Սգո միջոցառումը կրելու է «Չենք հրաժարվում, ախպարիգ» (Vazgeçmiyoruz Ahparig) խորագրի ներքո։
Հունվարի 19-ին, ժամը 21:30 մեկ այլ սգո միջոցառում է ընթանալու Ստամբուլի Բեյօղլու թաղամասում:
Ինչպես փոխանցում է «Ակօս»-ը, հունվարի 17-ին և 18-ին Հրանտ Դինքի սպանության 12–րդ տարելիցին նվիրված կլոր սեղանի ձևաչափով քննարկումներ կկազմակերպվեն Ստամբուլում և Անկարայում:
Ըստ աղբյուրի` «Ակօս» թերթի հիմնադիր-խմբագրապետ Դինքի հիշատակին նվիրված ֆիլմերի ցուցադրություն, ներկայացումներ և այլ բնույթի միջոցառումներ են նախատեսվում Գերմանիայի մի քանի քաղաքներում, Լոս-Անջելեսում և Բրյուսելում:
