16.12.2025 | 23:16
BBC-ից Թրամփի փոխհատուցման պահանջը կարող է կազմել շուրջ 10 մլրդ դոլար
Երկար տարիներ լինելով կալանավայրերի բնակիչ՝ գիտեմ, թե այնտեղ ինչ է կատարվում․ Սասուն Միքայելյան․ ՏԵՍԱՆՅՈՒԹ
Քաղաքականություն
17.01.2019 | 10:45
Ազգային ժողովում հունվարի 17-ին շարունակվում են խորհրդարանական մշտական հանձնաժողովների նախագահների թեկնածությունների քննարկումները։ Նիստը մեկնարկեց Մարդու իրավունքների մշտական հանձնաժողովը ղեկավարելու համար առաջադրված Նաիրա Զոհրաբյանի թեկնածության ներկայացմամբ:
ԱԺ «Իմ քայլը» խմբակցության պատգամավոր Սասուն Միքայելյանը Նաիրա Զոհրաբյանից հետաքրքրվեց՝ եթե ՔԿՀ-ների ենթակայության տակ գտնվող հիվանդանոցները դուրս բերվեն ՔԿՀ վարչության ենթակայությունից, այդ դեպքում ո՞ր կառույցին են դրանք պատկանելու:
Սասուն Միքայելյանը նաև առաջարկեց, որ եթե Նուբարաշենի կալանավայրը թանգարանի վերածել չստացվի, գոնե վերանորոգվի։
« Նուբարաշենն էլ ասացիք, որ փակվի, չգիտեմ, կհասնենք դրան, թե ոչ, բայց գոնե հարկ-հարկ վերանորոգվի, որովհետև լինելով երկար տարիներ բնակիչ այդ կալանավայրերում՝ գիտեմ՝ ինչ է այնտեղ կատարվում, և նախորդ իշխանությունների օրոք ինչ արատավոր երևույթներ են դրսևորվել և պետք է արմատախիլ արվեն»,- ասաց Սասուն Միքայելյանը։
Ի պատասխան՝ Նաիրա Զոհրաբյանը նշեց, որ Նուբարաշենի կալանավայրի վերանորոգումն այնքան ծախսատար գործընթաց է, որ, գուցե, ավելի լավ կլինի կառուցել նոր կալանավայր։
Անդրադառնալով ՔԿՀ-ների ենթակայության տակ գործող հիվանդանոցների խնդրին՝ Նաիրա Զոհրաբյանը նշեց, որ ամբողջ աշխարհում այդ հիվանդանոցները գտնվում են կա՛մ Արդարադատության նախարարության, կա՛մ Առողջապահության նախարարության, կա՛մ մեկ այլ կառույցի ենթակայության ներքո, ուստի Մարդու իրավունքների մշտական հանձնաժողովը մշակելու է այդ օրինակին հետևելու մեխանիզմները։
Մանրամասները՝ տեսանյութում
