Հասարակություն
04.05.2017 | 16:05
Պաշտոնական տվյալներով՝ ամեն տարի Հայաստանից անվերադարձ հեռանում է մի քանի հազար քաղաքացի. այս մասին այսօր Կառավարության նիստից հետո լրագրողների հետ զրույցում ասել է Միգրացիոն պետական ծառայության պետ Գագիկ Եգանյանը:
Լրագորղներից մեկի հարցին, թե քաղաքական իրավիճակն ազդում է արտագաղթի վրա, Գագիկ Եգանյանը պատասխանել է. «Սոցիալ-տնտեսական, քաղաքական գործընթացներն իրենց դրական և բացասական ազդեցությունները թողնում են»:
Ապա Գագիկ Եգանյանը ներկայացրել է արձանագրված տվյալները.«1992-1994թթ. զանգվածային արտագաղթի տարիներ էին, 1995-2001 թթ. կայունացման փուլ էր: Այդ տարիներին շուրջ 250 000-ի հասնող արտագաղթ է գրանցվել, 2002-2007 թթ. 25-26 000 էր կազմում, հետո բարձրացավ մինչև 29-30 000-ի»:
