09.06.2026 | 00:17
Մարկո Ռուբիոն շնորհավորել է Փաշինյանին
Վարչապետի աշխատակազմը 15 մլն դրամով կոստյումներ, կիսաշրջազգեստներ, շարֆեր, վերնաշապիկներ և կիսավերարկուներ է գնելու. ՓԱՍՏԱԹՈւՂԹ
Տնտեսություն
16.01.2019 | 17:30
Վարչապետի աշխատակազմը պատրաստվում է կոստյումներ, կիսավերարկուներ, կիսաշրջազգեստներ, վերնաշապիկներ, շարֆեր և փողկապներ գնել: Այս մասին Factor.am-ը տեղեկանում է վարչապետի աշխատակազմի 2019 թվականի գնումների պլանից:
Գնումների պլանը հրապարակվել է 2019 թվականի հունվարի 1-ին՝ անժամկետ: Անդրադառնալով նշյալ ապրանքատեսակներին՝ նշենք, որ վարչապետի աշխատակազմը դրանք ցանկանում է ձեռք բերել հետևյալ քանակով և արժեքով.
կիսավերարկու- 200 հատ՝ 21 հազար 500 դրամով, ընդհանուր արժեքը 4 մլն 300 հազար դրամ,
կոստյումներ- 200 հատ՝ 32 հազար դրամով, ընդհանուր արժեքը 6 մլն 400 հազար դրամ,
կիսաշրջազգեստներ- 10 հատ՝ 10 հազար դրամով, ընդհանուր արժեքը 100 հազար դրամ,
վերնաշապիկներ- 400 հատ՝ 6 հազար դրամով, ընդհանուր արժեքը 2 մլն 400 հազար դրամ,
վերնաշապիկներ- 400 հատ՝ 5 հազար դրամով, ընդհանուր արժեքը 2 մլն 200 հազար դրամ,
վերնաշապիկներ- 20 հատ՝ 6 հազար դրամով, ընդհանուր արժեքը 120 հազար դրամ,
շարֆեր- 10 հատ՝ 1000 դրամով, ընդհանուր արժեքը 10 հազար դրամ,
փողկապներ- 200 հատ՝ 1200 դրամով, ընդհանուր արժեքը 240 հազար դրամ:
Այս գնումները միասին կազմում են 15 մլն 770 հազար դրամ:
Նշենք, որ վարչապետի աշխատակազմի ընդհանուր գնումների արժեքը 1 միլիարդ 692 մլն 233 հազար դրամ է: Այս մասին ևս տեղեկանում ենք գնումների հրապարակված պլանից:
Հայկ Վարդանյան
