02.11.2024 | 15:55
Չինաստանում մեկնարկել է Խաչատրյանի անվան պատանեկան միջազգային մրցույթի եզրափակիչ փուլը
Մհեր Ենոքյանի գործով արդարադատություն կոչվածը մի կողմ է կանգնել. Հրանուշ Խառատյան. ՏԵՍԱՆՅՈՒԹ
Հասարակություն
16.01.2019 | 15:45
Մհեր Ենոքյանի գործն արդարադատության խնդիրը կասկածի տակ դնող երևույթ է, արդարատության խնդիրը վերանայելու պահանջ և հարցադրում է: «Մհեր Ենոքյանի ներման հարցի հանրային ընկալումների վերաբերյալ՝ մտավորականների դիտարկումները» թեմայով քննարկման ժամանակ ասաց ազգագրագետ Հրանուշ Խառատյանը:
«Եթե այսօր հարցը ներման է հասել, սա է քննարկվում, կարծես թե՝ բացառապես այն պատճառով, որ սկզբունքորեն չի նայվում մեր կողմից կասկածելի ժամանակաշրջանում դատարանի կողմից կայացված վճիռներում քննության ընթացքը: Քննության ընթացքների վերաբերյալ շատ երկար հանրւթյունը տեղյակ է եղել, որ կան մեղադրյալից կասկածելի հանգամանքներում ուժով վերցված ցուցմունքներ, կան ռեալ գործի հետ կապ ունեցող երևույթները շրջանցելու պրակտիկա, կա, մեղմ ասած, առանց ապացույցների դատավճիռ կայացնելու պրակտիկա և այլն: Ես հիմա Մհերի գործի մասին չեմ ասում, այլ առհասարակ»,- ասաց նա: Նրա խոսքով՝ հիմա Մհեր Ենոքյանի դեպքում հասարակությունը դուրս է եկել այս դաշտից և կենտրոնացել ներման-չներման վրա: «Իմ կարծիքով՝ դա փոխում է խնդրի էությունը: Այս գործով արդարադատություն կոչվածը մի կողմ է կանգնել, երբ կասկածի տակ է դրված իր ամբողջ գործունեությունը»,- նշեց Հրանուշ Խառատյանը:
Մանրամասները՝ տեսանյութում
