20.05.2026 | 21:00
Ռուսական ռեգիստրում Նարեկ Կարապետյանի անունը․ ինչ են ցույց տալիս փաստաթղթերն ու բիզնես կապերը
Brexit. բրիտանացի խորհրդարանականները դեմ են քվեարկել Բրյուսելի հետ համաձայնեցված պլանին
Քաղաքականություն
16.01.2019 | 11:40
Բրիտանական խորհրդարանի համայնքների պալատը մերժել է Եվրամիությունից դուրս գալու պլանին, որը վարչապետ Թերեզա Մեյը համաձայնեցրել էր Բրյուսելի հետ: Որոշման դեմ է քվեարկել 432 պատգամավոր, կողմ՝ 202-ը. տեղեկացնում է rbc.ru-ն:
Ընդդիմության առաջնորդ Ջերեմի Քորբինը քվեարկության արդյունքները կառավարության համար աղետ է անվանել:
Մեծ Բրիտանիան ու Եվրամիությունը Brexit-ի պլանը վերջնականապես համաձայնեցրել են 2018 թվականի նոյեմբերին, ավելի ուշ ԵՄ առաջնորդները հաստատել են համաձայնագիրը: Այն ենթադրում է, որ Միացյալ Թագավորությունը ԵՄ-ից դուրս կգա 2019թ. մարտի 29-ին, սակայն կողմերը պայմանավորվել են անցումային շրջանի մասին, որը պետք է տևի մինչև 2020 թվականի դեկտեմբերի 31-ը: Այդ ամբողջ ընթացքում Բրիտանիան ԵՄ-ի Մաքսային միության և Միացյալ եվրոպական շուկայի մաս կմնա, իսկ շրջանի ավարտից հետո Բրյուսելն ու Լոնդոնը պետք է համաձայնեցնեն համագործակցության վերջնական չափանիշները:
Նշված համաձայնագրի հակառակորդներին անհանգստացնող գլխավոր կետերից մեկը Իռլանդիայի (ԵՄ անդամ) և Հյուսիսային Իռլանդիայի (թագավորության մաս) միջև սահմանի հարցն է: Գործարքն այդ հարցի կարգավորման բարդ մեխանիզմ է առաջարկում, իսկ համաձայնագրի հակառակորդները կարծում են, որ այն զգալիորեն սահմանափակում է երկրի ինքնիշխանությունը:
Պատգամավորների մի մասն էլ պնդում է, որ հարկավոր է Brexit-ի հարցով կրկնակի հանրաքվե անցկացնել:
