06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
Արման Փաշիկյանը և Տիգրան Պետրոսյանը գլխավորում են տղամարդկանց առաջնության աղյուսակը
15.01.2019 | 22:19
Տիգրան Պետրոսյանի անվան շախմատի տանը շարունակվում է Հայաստանի շախմատի տղամարդկանց առաջնությունը: Երեկ տեղի ունեցավ մրցաշարի 3-րդ տուրը: Առաջնության միանձնյա առաջատար Տիգրան Պետրոսյանը, խաղալով սև խաղաքարերով և ունենալով ծանր դրություն, այնուհանդերձ կարողացավ ոչ-ոքի խաղալ Մանուէլ Պետրոսյանի հետ: Առաջատարի ոչ-ոքի արդյունքից օգտվեց Արման Փաշիկյանը, ով սև խաղաքարերով առավելության հասավ իր սանի՝ աշխարհի մինչև 16 տարեկանների չեմպիոն Շանթ Սարգսյանի նկատմամբ: Փաշիկյանի հետ 2-րդ հորիզոնականը կիսող Զավեն Անդրիասյանը ոչ-ոքի խաղաց գործող չեմպիոն Հայկ Մարտիրոսյանի հետ: Հաշտությամբ ավարտվեցին նաև Արամ Հակոբյան – Սամվել Տեր-Սահակյան և Ռոբերտ Հովհաննիսյան – Տիգրան Հարությունյան պարտիաները:
3-րդ տուրից հետո Արման Փաշիկյանը և Տիգրան Պետրոսյանը վաստակել են 2.5-ական միավոր և գլխավորում են աղյուսակ: Զավեն Անդրիասյանը առաջատարներից հետ է կես միավորով և գտնվում է 3-րդ հորիզոնականում:
