12.10.2026 | 19:04
Միլիոններ՝ բյուջեի հաշվին․ ավագանու ՔՊ-ական անդամի ընկերությունը պայմանագրեր է կնքում համայնքի հետ. ՏԵՍԱՆՅՈՒԹ
Թուրքիայի պաշտպանության նախարարը հանդիպել է Լուկաշենկոյի հետ
Քաղաքականություն
15.01.2019 | 21:33
Թուրքիայի պաշտպանության նախարար Հուլուսի Աքարը պաշտոնական այցով մեկնել է Բելառուսի մայրաքաղաք Մինսկ` հանդիպելու երկրի նախագահ Ալեքսանդր Լուկաշենկոյի հետ. փոխանցում է ermenihaber-ը:
Հուլուսի Աքարը Լուկաշենկոյի հետ փակ հանդիպումից հետո լրագրողներին տված հարցազրույցում հայտնել է, որ դրական արդյունքներ են ստանալու երկու երկրների նախագահների հովանու ներքո կատարվող աշխատանքներից:
Աքարը նշել է, որ Թուրքիայի և Բելառուսի միջև ռազմական կրթության, մասնավորապես պաշտպանական արդյունաբերության ոլորտում համագործակցության շուրջ աշխատանքներն առաջիկա ժամանակաշրջանում դրական արդյունքներ կտան: Հույս հայտնել, որ երկու երկրների հարաբերությունները ավելի կխորանան:
Աքարը, ընդգծելով Թուրքիայի և Բելառուսի միջև բարեկամական հարաբերությունները, ասել է, որ համագործակցությունը խորանում է ոչ միայն ռազմական և պաշտպանության ոլորտում, այլև տնտեսական, սոցիալական, մշակութային ոլորտներում:
Աքարը հանդիպում է ունեցել նաև Բելառուսի պաշտպանության նախարար Ռավկովի հետ: Վերջինիս համոզմամբ` թուրք գործընկերոջ այցը նոր լիցք է հաղորդելու թուրք-բելառուսական գործակցությանը:
