04.08.2026 | 19:23
Սլովենիան շարունակում է մնալ ԵՄ-ի և ՀՀ-ի միջև սերտ գործընկերության անսասան կողմնակիցը. Յանեզ Յանշան՝ Փաշինյանին
ՔՊ-ի գրասենյակը բնակելի շենքի 2 սենյականոց բնակարանից տեղափոխվել է աչքի ընկնող շինություն. ԼՈւՍԱՆԿԱՐՆԵՐ
Քաղաքականություն
15.01.2019 | 19:03
Իշխող «Քաղաքացիական պայմանագիր» կուսակցությունը փոխել է իր գլխամասային գրասենյակը:
Այս տեղեկությունը Factor.am-ի հետ զրույցում հաստատեց կուսակցության մամուլի խոսնակ Վահան Կոստանյանը:
Նիկոլ Փաշինյանի գլխավորած կուսակցությունն այժմ հանգրվանել է Երեւանի Թումանյան 21/1 հասցեում գտնվող «Թուֆենկյան» բարեգործական հիմնադրամի շենքում:
Այս շենքի առաջին հարկում էլ գտնվում է «Արաքս հին տուն» ռեստորանը:
Factor.am-ը Վահան Կոստանյանից հետաքրքրվեց՝ արդյո՞ք ՔՊ-ի գրասենյակը գտնվում է «Թուֆենկյան»-ի շենքում, նա դրական պատասխան տվեց:
Մինչեւ իշխանափոխությունը «Քաղաքացիական պայմանագիր» կուսակցության գրասենյակը գտնվում էր Երեւանի Եզնիկ Կողբացու 2 ա հասցեում: Այն բնակելի շենք է, որտեղ ՔՊ-ն վարձակալել էր առաջին հարկի 2-3 սենյականոց բնակարաններից մեկը:
Վահան Կոստանյանից հետաքրքրվեցինք, թե ինչ են արել նախկին գրասենյակը:
Նա պատասխանեց, որ փակել են: «Այս պահին այդ գրասենյակը փակվել է: Մենք հիմա գրասենյակների վերամիավորման փուլում ենք, փորձում ենք հասկանալ, թե որ գրասենյակները պետք է պահենք»,- ասաց նա:
Կոստանյանի փոխանցմամբ՝ այս պահին կա մոտավորապես 65 գրասենյակ, որոնք բացվել են նախընտրական շրջանում: Այժմ օպտիմալացման ծրագիր է մշակվում:
Հայկ Վարդանյան
