16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Մեծ Բրիտանիան պատմական քվեարկության է պատրաստվում
Քաղաքականություն
15.01.2019 | 17:56
Մեծ Բրիտանիայի խորհրդարանը պատմական քվեարկության է պատրաստվում: BBC-ի փոխանցմամբ՝ այսօր տեղի կունենա Brexit-ի հարցով հնգօրյա բանավեճի ավարտը խորհրդանշող քվեարկությունը:
Գործող վարչապետ Թերեզա Մեյը խորհրդարանի ներկայացուցիչներին հորդորել է աջակցել իր որոշմանը, հակառակ դեպքում, ըստ նրա, Միացյալ Թագավորության ժողովրդին հիասթափեցնելու վտանգի առաջ կկանգնեն: Այդուհանդերձ, Մեյի կուսակից նախարարներից շատերը պատրաստվում են միանալ ընդդիմությանը և դեմ քվեարկել որոշմանը:
Բրեքսիթի շուրջ բանավեճի վերջին օրվա բացումը կանի Անգլիայի և Ուելսի գլխավոր դատախազ Ջեֆրի Քոքսը, իսկ ավարտին ելույթով հանդես կգա Թերեզա Մեյը:
Քվեարկությունը կմեկնարկի ընթացիկ փոփոխությունների քննարկմամբ, որոնք կարող էին վերափոխել պայմանագիրը, ապա նաև՝ համաձայնագրից դուրս գալու որոշման:
Նշենք, որ այսօր առավոտյան Մեծ Բրիտանիայի վարչապետ Թերեզա Մեյը դիմել է իր գլխավորած կառավարությանն այն բանից հետո, երբ երկուշաբթի երեկոյան փորձել է ստանալ թորիների կուսակցության անդամների աջակցությունը, ինչը ներառում է ինչպես ԵՄ-ից Միացյալ Թագավորության դուրս գալը, այնպես էլ քաղաքական հայտարարություն՝ ապագա կապերի համար: Քվեարկության արդյունքում Մեյի որոշումը ծանր պարտություն կրեց:
Այդուհանդերձ, նախարարները մտահոգություն են հայտնել, որ, իրենց քվեից անկախ, Բրեքսիթի շարժումը լուրջ վնաս կհասցնի երկրի ապագա տնտեսական աճին, ներքին անվտանգությանը և, ընդհանրապես, Մեծ Բրիտանիայի գլոբալ ազդեցությանը:
